Imbrugnatu, è taciturnu
U tempu hè u so duminiu
Porta u nome di Saturnu,
Mà hè un diu assassinu
Porta u nome di Saturnu,
Mà hè un diu assassinu
In spassighjata pedinella,
Pà divertisce si un pocu,
Li piace à sfiurà a murella,
U tempu passa in ogni locu.
Li piace à sfiurà a murella,
U tempu passa in ogni locu.
Oghje ch’hè oghje la mio bella
Si tù chì si stata ingannata
Tu ch’hì paghesti la gabella
Piossa di sale in la to strada
Tu ch’hì paghesti la gabella
Piossa di sale in la to strada
Un sò fiuracci i calenduli
E ispiranu li pueta
In un cilente carcu à nuli
Hè u to visu chì mi chieta
In un cilente carcu à nuli
Hè u to visu chì mi chieta
Veni torna a me rondina
Andemu inseme in pardina
Veni à sfiurà a pratellina
Di l’estate di San Martinu
Veni à sfiurà a pratellina
Di l’estate di San Martinu
Aghju in core le to divizie
E pè fà mi ne sminticà
Ùn basteranu e so malizie
U riloghju u si pò girà !
Chì Saturnu hè assassinu
Ma l’amore ùn lu pò tumbà
Chì Saturnu hè assassinu
Ma l’amore ùn lu pò tumbà
Laisser un commentaire